Qytaıda álemdegi iri FAST radıoteleskopy iske qosyldy
ASTANA. QazAqparat - Qytaı ǵalymdary álemdegi iri FAST (Five hundred meter Aperture Spherical Telescope) radıoteleskopyn paıdalanýǵa engizdi. Onyń alańy 30 fýtbol alańyna teńesedi, dep habarlady People's Daily.
Búgin teleskop óziniń alǵashqy túsirilimin jasaıdy. Bir apta buryn teleskopqa arnalǵan 30 tonna sáýlelendirgish ornatyldy.
2011 jyly naýryzda bastalǵan teleskop daıyndaý 2016 jyly shildede aıaqtaldy. Qurylǵynyń dıametri 500 m, onyń 4, 450 myń úsh buryshty shaǵyldyrǵyshy bar, teleskop Qytaıdyń ońtústik-batysyndaǵy Gýıchjoý provıntsııasyndaǵy taý bıigine ornatyldy.
Square Kilometer Arra (SKA) jobasy operatorynyń basshysy Fılıp Daımondtyń aıtýynsha, FAST «biz buryn esh ýaqytta kórmegen zattardy» ashýǵa múmkindik beredi. «Qytaılyq kóregen kóz» erekshe ǵarysh nysandaryna baqylaý júrgizýge, ǵalam evolıýtsııasyn zerdeleýge, jerden tys órkenıet izdeýge múmkindik beredi.
