Qytaıda álemdegi eń úlken radıoteleskop ashylady
ASTANA. QazAqparat - Qytaıda kólemi 30 fýtbol alańyna teńesetin álemdegi eń úlken teleskop qyrkúıektiń aıaǵynda ashylady dep josparlanýda, dep habarlady tjournal china.org.cn basylymyna silteme jasap.
Radıoteleskop qurylysy 2011 jyly naýryzda bastalǵan. Ol 1,2 mıllıard ıýanǵa tústi. Qurylys dıametri 500 metrdi qurasa, al jalpy alańy shamamen 250 myń sharshy metrge teńesedi.
Basylym teleskop mańyna qurylys júrgizýge, aǵashtar jınaýǵa tyıym salynatynyn habarlady, 25 qyrkúıekten bastap zańnamalyq shekteýler kúshine enedi.
Sondaı-aq provıntsııa bıligi ótemaqy tóleýmen 9 myńnan astam jergilikti turǵyndardy ornalastyrady. Olardyń árqaısysyna 12 myń ıýan (1,838 myń dollarǵa jýyq) tólenedi.
Eske salsaq, bul ýaqytqa deıin álemdegi eń iri teleskop Pýetro-Rıkoda boldy, onyń dıametri - 300 metr.
