Qytaıda álemdegi eń úlken ǵımarat salyndy
ASTANA. 4 shilde. QazAqparat - Jýyrda Qytaıdyń Chandý qalasynda álemdegi eń aýqymdy ǵımarat turǵyzyldy. Bul ǵajaıyp qurylys New Century Global Center dep atalady.
RBK aqparattyq agenttiginiń habarlaýynsha, New Century Global Center qurylysynyń jalpy aýmaǵy 1,7 mln sharshy metrdi quraıdy.
Alyp ǵımarattyń ishinde kóptegen saýda ortalyqtary, sý saıabaqtary, syrǵanaqtar, qonaqúıler, kınoteatrlar, májilis zaldary, tipti sáýletti vıllalar salynǵan tutas qalashyqtar bar kórinedi.
Álemdik BAQ málimetterine qaraǵanda, uzyndyǵy jarty shaqyrym, eni - 400 m, al bıiktigi 100 m qurylysty nebári 90 kúnniń ishinde salyp bitirgen.
Sonymen birge, ǵımarattyń jeke jasandy jaryqtandyrý júıesi bar. «Jasandy kún» jaryq berip qana qoımaı, ǵımaratty táýlik boıy jylytyp ta turady eken. Bul tyń tehnologııany japon ǵalymdary oılap tapqan.
