Qytaıda Álem chempıonaty irikteý týrnıriniń Azııanyń fınaldyq dárejelik raýndy ótip jatyr
ALMATY. 27 qyrkúıek. QazAqparat - Búgin Qytaıdyń Chenchjoý qalasynda voleıboldan áıelder arasynda 2014 jylǵy Álem chempıonatynyń irikteý týrnıriniń «V» tobyndaǵy komandalary arasynda Azııanyń fınaldyq dárejelik raýndy bastaldy.
Onda Aleksandr Gýtor jattyqtyratyn Qazaqstan quramasy alǵashqy oıynyn erteń Ońtústik Koreıa voleıbolshylarymen ótkizbek. Odan keıin jeksenbide Jańa Zelandııa, dúısenbide Qytaı, seısenbide Úndistan komandalarymen kúsh synasatyn bolady. Onda úzdik shyqqan komanda Álem chempıonatynyń qurlyqtyq joldamasyna ıe bolmaq.Bas bapker bul dodada el namysyn qorǵaýdy Taldyqorǵannyń «Jetisýynan» Olga Nasedkına, Korınna Ishımtseva, Marına Storojenko, Alena Omelchenko men Irına Shenbergerge, almatylyqtardan Elena Gordeeva, Lıýdmıla Isaeva, Tatıana Afanaseva, Irına Lýkomskaıaǵa, astanalyqtardan Sana Jarlyǵasovaǵa, Pavlodardyń «Ertis-Qazhromynan» Inna Matveevaǵa jáne Kıprdiń «Anortosıs» komandasynda oınap júrgen Tatıana Mýdrıtskaıaǵa senip tapsyryp otyr. Qazaqstan quramasy buǵan deıin Álem chempıonatyna alǵash ret 2006 jyly qatysyp 17-oryn alsa, sońǵy chempıonatta 21-orynǵa taban tiregen bolatyn.
