Qytaıda alpınıst kelinshek ǵashyǵynyń 7 metrlik sýretin jartasqa beıneledi
ASTANA. QazAqparat - Qytaıdyń Chjetszıan provıntsııasynda alpınıst kelinshek ǵashyǵynyń sýretin 218 metrlik jartasqa saldy, dep habarlaıdy Cnina News.
Taıchjoý aýdanynda ornalasqan taýdaǵy er adamnyń sýretin salý úshin alpınıst eki aı boıy demalys kúnderin sarp etken. Barlyǵy 10 kúnniń ishinde taýdaǵy beıne aıaqtalǵan.
Jergilikti basylymdardyń jazýyna qaraǵanda, 37 jastaǵy sportshy óz komandasyndaǵy 40 jastaǵy er adamǵa ǵashyq bolǵan. Bir qyzyǵy ekeýiniń de basy bos.
Bul týynda jaıly ǵalamtorda jarııa bolǵan soń jergilikti bılik quzǵa órmeleýshini taýyp sóılesken. Kelinshek jartastaǵy graffıtıdi óshirip, taý betin burynǵy qalpyna keltirýge ýáde berip otyr.
