Qytaıda ál-Farabı men Abaıdyń qurmetine estelik konvertter shyǵaryldy

BEIJІŃ. QazAqparat – Beıjińde eki mereıtoılyq data: Ábý Nasyr ál-Farabıdiń 1150 jyldyǵy men uly Abaıdyń 175 jyldyq mereıtoıyna arnalǵan estelik konvertterdiń tanystyrylymy ótti, dep habarlaıdy «QazAqparat» HAA menshikti tilshisi.

Konvertterdiń birine uly fılosof ári ǵalym Ábý Nasyr ál-Farabı, taǵy birine uly aqyn jáne aǵartýshy Abaı Qunanbaıuly beınelengen.

Konvertterdegi sýretterdiń avtory – qytaılyq dıplomat, sýretshi Fen Ishý.

Avtordyń aıtýynsha, onyń kórkemdik shyǵarmashylyqqa bet burýy qytaı tiline aýdarylǵan «Abaı joly» romanyn oqýdan keıin bastalǵan.

«Ál-Farabı – búkil álemge tanymal ǵalym, fılosof. Ol – Shyǵys ustazy», - dep atap ótti sýretshi.

«Meniń jumystarymnyń arqasynda ál-Farabı men Abaı esimderi Qytaıdyń qalyń jurtshylyǵynyń ortasynda odan da tanymal bolatynyna úmittenemin», - deıdi F.Ishý.

QHR Syrtqy ister mınıstrligi janyndaǵy fılatelıster qaýymdastyǵynyń hatshysy Ma Sıaolın «Ál-Farabı men Abaı sýretteri beınelengen estelik konvertterdi shyǵarý – bizdiń elderimizdiń arasyndaǵy dostyq pen yntymaqtastyqtyń sımvoly bolyp tabylatynyn» atap ótti.

Qazaqstan Respýblıkasynyń Qytaı Elshiliginde Fen Ishýdyń Ábý Nasyr ál-Farabıdiń 1150 jyldyǵy men Abaıdyń 175 jyldyǵyna arnalǵan «Ǵasyrlar danalyǵy» atty kartınalar kórmesi ótti.