Qytaıda «aqyrzamandy» nasıhattaǵan 1 myńnan astam adam qamaýǵa alyndy
BEIJІŃ. 21 jeltoqsan. QazAqparat - Qytaıda taıap qalǵan «aqyrzaman» týraly qaýesetterdi taratqany úshin ustalǵandardyń sany 1 myńnan asty,
olardyń basym deni - «Qudiretti Qudaı» hrıstıandyq sektasynyń músheleri, dep habarlaıdy jergilikti BAQ-qa silteme jasap QazAqparattyń Beıjińdegi arnaýly tilshisi.
1990 jyly Henan provıntsııasynda negizi qalanǵan «Qudiretti Qudaı» sektasynyń tabynýshylary barsha adamdarǵa «aqyrzamannan» qutqaryp qalýdy ýáde etýde. Sekta músheleriniń boljaýynsha, juma kúni úshkúndik túnek ornaıdy, al apokalıpsısten keıin jańa dáýir bastalady, onda barsha álemdi «Áıel-Iısýs» basqaratyn bolady, dep habarlady Global Times.
Memlekettik BAQ-tar bul topty «zulymdy din» dep ataýda.
Adamdardyń úreıin basý úshin, polıtsııa apokalıpsıs týraly qaýesetterdi taratqan sekta múshelerin qamaýdy qaıta júrgizdi. Tsınhaı provıntsııasynda onyń - 400-den astam, Gýıchjoýda 350 múshesi ustaldy. Sondaı-aq Gýandýn jáne Sychýan eldi mekenderinde dinı aǵymnyń 100-den astam tabynýshysy tutqyndaldy. 10-nan astam múshe Qytaı astanasy Beıjińde ustaldy. Beıjińdik polıtsııa Internetke «aqyrzaman qaýeset qana bolyp tabylatyndyǵy» týraly aqparat ornalastyrdy.
