Qytaıda aqyrzaman týraly qaýesetterdi taratqan 100-ge jýyq adam qamaýǵa alyndy
ASTANA. 18 jeltoqsan. QazAqparat - Qytaıdyń quqyq qorǵaýshylary aqyrzaman týraly qaýesetterdi taratqandary úshin jeti provıntsııada 93 adamdy tutqynǵa aldy,
dep habarlaıdy Qytaıdyń BAQ-taryna silteme jasap Reseı jańalyqtar agenttigi.
Ustalǵandardyń arasynda Tsınhaı provıntsııasyndaǵy «Qudiretti qudaı» hrıstıandyq dinı baǵyttyń jolyn ustanýshy 37 adam bar. Atap óteıik, Qytaıda sektanyń qyzmetine tyıym salynǵan. Jergilikti polıtsııada málim etkendeı, atalmysh dinniń baǵytyn ustanýshylar adamdardy 21 jeltoqsan kúni Kún úsh kúnge joǵalyp, elektr energııasy óshetindigin aıtyp, qorqytýda. Sondaı-aq ózderiniń nanymdaryna qosylǵandardy qutqarýǵa ýáde etken.
Ońtústik-shyǵystaǵy Fýntszıan provıntsııasynyń 30 turǵyny, Sychýan, Shensı jáne Hýbeı provıntsııalarynyń birneshe turǵyny aqyrzaman týraly qaýesetterdi taratqandary úshin abaqtyǵa toǵytyldy. Jergilikti polıtsııa 15 jeltoqsan kúni Chýntsın qalasynda aqyrzaman týraly paraqshalardy taratyp, ol týraly dybys kúsheıtkish arqyly qala kóshelerinde aqparat taratqandary úshin tórt adamdy ustady.
Aqyrzaman týraly qaýesetter maııa kúntizbesi boıynsha 2012 jyldyń 21 jeltoqsany kúni bizdiń dáýirimizge deıin 3114 jyl buryn bastalǵan Besinshi Kún Dáýiriniń uzaq esebiniń tsıkli aıaqtalatyndyǵymen baılanysty. Pessımıster osy arqyly maııalyqtar aqyrzamandy boljaǵan dep paıymdaýda.
