Qytaıda AQSh elshiliginiń mańynda jarylys boldy

BEIJІŃ. QazAqparat - Búgin Astana ýaqyty boıynsha saǵat 11-ler shamasynda Qytaıdaǵy AQSh elshiligi ǵımaratynyń janynda jarylys boldy, dep habarlaıdy QazAqparattyń Qytaıdaǵy menshikti tilshisi.

Jarylystyń bolǵany týraly resmı aqparat joq. Oqıǵa jaıynda ártúrli málimetter taraýda. Keıbir kýágerlerdiń aıtýynsha, Chaoıan aýdanynyń Tıantszylý jáne Antszıaloý kósheleriniń qıylysynda turǵan er adamnyń qolynda petardaǵa nemese ot shashatyn zatqa uqsaıtyn qural bolǵan. Ol Qytaı Halyq Respýblıkasynyń Іshki Mońǵolııa Avtonomdyq aýdanyna qarasty Týnlıao qalasynyń 26 jastaǵy Tszıan Moýmoý esimdi turǵyny bolyp shyqty. Tszıan Moýmoýdyń qoly jaraqattanyp, aýrýhanaǵa jetkizilgen.

Basqa zardap shekken adamdar joq.

Qazirgi ýaqytta oqıǵa ornynda tergeý jumystary júrgizilip jatyr. Dál osy ýaqytta AQSh elshiligi ǵımaraty mańynda ústine benzın tógip, ózin-ózi órtemekshi bolǵan áıel adam ustaldy.