Qytaıda AQSh dollaryn satyp alýǵa shekteý qoıyldy
ASTANA. QazAqparat - Qazirdiń ózinde shetel azamattary kúnine tek - 500, al qytaılyqtar 3000 dollar ǵana satyp alady, dep habarladywww.24.kz.
Financial Times-tiń deregi boıynsha, bankterge bılik tarapynan AQSh aqshasyn satpaý jóninde aýyzsha nusqaý berilgen kórinedi. Al ulttyq valıýta múldem quldyramaı turǵanda, jıǵan-tergenin dollarǵa aıyrbastaýǵa asyqqan qarapaıym turǵyndardyń kóńili alań. Jańa jyl Qytaı aqshasynyń qunsyzdanýymen bastaldy. 8 qańtarda 1 dollar 6,5 ıýanǵa deıin ósip ketti. Bul - 2011 jyldan bergi eń tómengi kórsetkish.
Bankterde valıýta aıyrbastaýǵa shekteý qoıylǵan soń, qazir qara naryqtaǵy saýdagerlerdiń qoly júrip tur. Beıjińdegi ıAboýly aýdanynda dollardy qolma-qol aıyrbastap beretin beıtarap deldaldar kóp.
Beıjińde Qytaı azamattary kúnine - 3000, al sheteldikterdiń tek 500 dollar satyp alýyna bolady. Al Shanhaı turǵyndary táýligine - 5, eger aldyn ala tapsyrys berse, 10 myń dollarǵa deıin aıyrbastaýyna múmkindik bar. Bir aptada tek úsh ret tapsyrys qabyldanady. Qytaı ekonomısteri jeke tulǵalar men kompanııalardyń AQSh dollaryn satyp alýyna shekteý qoıylýy ýaqytsha shara dep esepteıdi. Olar «Bul - bıliktiń ıýanǵa degen qysymdy azaıtyp, kapıtaldyń shekara aspaýy úshin jasaǵan amaly» dep otyr. Alaıda 2016 jyl álemniń ekinshi iri ekonomıkasy sanalatyn el úshin synaq kezeńi bolǵaly tur.
Halyqaralyq valıýta qorynyń boljamyna qaraǵanda, Qytaıda damý qarqynynyń báseńsýi bıyl da jalǵasa beredi. 2016 jyly alyp eldegi JІÓ 6,3%-dy mejeleýi múmkin.
Foto: slon.ru
