Qytaıda «Aqqý áýeni» atty qazaq halyq ánderiniń toptamasy jaryq kórdi
ASTANA. Naýryzdyń 15-i. QazAqparat - Úrimji qalasynda Qytaıdaǵy qazaq mádenıetin qoldaý maqsatyndaǵy memlekettik arnaıy joba aıasynda «Aqqý áýeni» atty qazaq halyq ánderi toptastyrylǵan dıskiniń jaryqqa shyǵýy jáne «qazaq halyq dastandarynyń» birinshi tomy, «Aqyndar aıtysy tańdamalysy» birinshi tomynyń qytaı tiline aýdarylǵan nusqasynyń tusaýkeser saltanatty jıyny ótti.
Bul týraly QazAqparat «Tıán shán» aqparattyq saıtyna silteme jasap habarlaıdy
Atalmysh toptamany shyǵarý jumystary 2008 jyldan bastap qolǵa alynǵan. «Aqqý áýeni» atalatyn bul dıski DVD, VCD format túrinde jasalyp, albomǵa myńnan astam halyq ánderi ishinen tańdalyp alynǵan 20 halyq áni engizilip otyr. Al halyq dastandary men aqyndar aıtysynyń qytaı tiline aýdarylýy tuńǵysh ret bolyp otyr.
