Qytaıda adam saýdasymen aınalysatyn 301 qylmysker ustaldy
ASTANA. 28 qyrkúıek. QazAqparat - Qytaıda qylmyskerler satpaq bolǵan 90-nan astam bala men eki áıel qutqaryldy.
Memlekettik BAQ-tyń málimetine qaraǵanda, polıtsııa tekserisinen keıin Qytaıdyń 11 provıntsııasynan adam saýdasymen aınalysady degen kúdikpen 301 adam ustalǵan.
Qytaı bıligi keıingi jyldary áıelder men balalardy urlaý jáne satýmen kúresti kúsheıtkenin aıtady.
2011 jyly Qytaı polıtsııasy eki jyl ishinde 13 myńnan astam bala men 23 myńnan astam áıeldi adam saýdasymen aınalysatyn qylmyskerlerden qutqarǵanyn málimdegen.
Qytaıdaǵy "Bir otbasy - bir bala" saıasaty men shańyraq ıesi retinde ul balany qaldyrý dástúri bul eldegi balalar men áıelder saýdasynyń kóbeıýine áser etken, dep habarlaıdy «Azattyq».
