Qytaıda «adam-pildiń» betindegi salmaǵy 1,5 keli isikti alyp tastady - FOTO
ASTANA. 28 jeltoqsan. QazAqparat - Qytaıda adam-pildiń betindegi úlken isik alynyp tastaldy. Onyń salmaǵy - 1,5 keli.
Al salmaǵy 17,5 keli bolatyn basqa isik oǵan 2007, 2008 jyldary jasalǵan ota kezinde alynyp tastalǵan. Hýan Chýnkaı esimdi qytaıǵa sońǵy ota 25 jeltoqsan kúni jasaldy.
29 jeltoqsan kúni er adam 36 jasqa tolady. Onyń betindegi úlken isikter bala kezinde paıda bolǵan. Tórt jasynda sol jaq kózine kishkentaı óskin shyqqan. Jasóspirim shaǵynda sol kózi múlde kórmeı qalsa kerek. Odan isik ulǵaıyp, er adam tiktep júrýden de qalǵan. Saldarynan omyrtqasy qısaıyp ketken. Sol sebepti onyń boıy qazir nebári 1,35 metrdi quraıdy.
Medıtsına qyzmetkerleri naýqasqa kem degende taǵy eki ota jasaý kerek dep sanaıdy.
