Qytaıda adam organdaryn satýmen aınalysatyndar ustaldy
ASTANA. 8 sáýir. QazAqparat -Qytaıda adam organdarynyń saýdasymen aınalysty degen kúdikpen 5 adamnan quralǵan top ustaldy.
Olarǵa bir jyl buryn Apple kompanııasynyń iPhone smartfony men iPad planshettik kompıýterin satyp alýǵa aqsha taba almaǵan 17 jasar jasóspirimnen onyń búıregin satyp aldy degen aıyp taǵylyp otyr. Bul týraly sheteldik BAQ habarlaıdy, dep jazdy ITAR-TASS.
Jýrnalısterdiń aqparatyna sáıkes, jasóspirim kúdiktilermen ınternet-forým arqyly baılanysqan. Keıin operatsııa jasatýǵa kelisip, búıregi úshin 3 myń dollar aqsha alǵan. Zańsyz operatsııa jaıly jasóspirimniń anasy kezdeısoq bilip qoıǵan, ol onyń ulynda jańa gadjettiń paıda bolǵanyn baıqap, polıtsııaǵa habar bergen.
Boljam boıynsha, ustalǵandar jasóspirimniń búıregin qara bazarda 35 myń dollarǵa qaıta satyp jibergen.
