Qytaıda 900 myńnan astam adam nóserli jabyrdyń saldarynan zardap shekti
ASTANA. 27 maýsym. QazAqparat - QHR-nyń ońtústigindegi Gýansı-Chjýan avtonomdy aýdanynda ótken aptanyń ortasynan bastap jaýyp jatqan nóserli jańbyrdyń saldarynan bolǵan tasqynnan 932 myń adam zardap shekti, 9 adam mert boldy.
Bul týraly búgin jergilikti bılik ókilderine silteme jasaı otyryp, ITAR-TASS habarlaıdy.
Tabıǵattyń tosyn minezi avtonomdy aýdandaǵy 13 qala men 44 ýezdi jaıpap ótti. Habarlanǵandaı, aýylsharýashylyq jerleriniń 51 myń gektar alqabyna zaqym keltirildi, 3,1 myńnan astam turǵyn úı qırady. Gýansı-Chjýan avtonomdy aýdanyna keltirilgen shyǵyn 389 mln. ıýandi (61, 15 mln. dollardy) qurady.
226 myń turǵyn qaýipsiz aýdandarǵa kóshirildi. Bılik ókilderi keltirilgen shyǵynnyń kózin joıý úshin 3,5 mln. ıýan (555 myń dollardan astam) qarajat bóldi, sondaı-aq qıraǵan aýdandarǵa gýmanıtarlyq kómek jóneltti.
Ońtústik-batys Gýıchjoý jáne shyǵystaǵy Tszıansı eldi mekenderinde de jańbyr nóserletip tur. Sınoptıkterdiń boljamy boıynsha, Qytaıdyń ońtústiginde jańbyr búgin basylady.
