Qytaıda 80 mıllıon dollar jymqyrǵan áıel ólim jazasynan aman qaldy
ASTANA. QazAqparat - Qytaıdyń avtonomdy aýdany - Іshki Mońǵolııada sot 1,23 mlrd ıýandi (177 mln dollar) alaıaqtyq jolmen jymqyrǵan áıelge berilgen ólim jazasyn ómir boıyna bas bostandyǵynan aıyrý jazasymen almastyrýdy durys dep tapty, dep jazady utro.ru.
2013 jyly áıel azamat asa iri kólemde jasaǵan alaıaqtyq áreketi úshin ólim jazasyna kesilgen bolatyn. 2015 jyly QHR-diń Joǵarǵy soty alaıaqtyń óz erkimen quqyq qorǵaý organdaryna berilgenin nazarǵa ala otyryp, isti qaıta qarady.
Oǵan úkimdi jeńildetý týraly sońǵy sheshim búgin qabyldandy. Alaıaq áıel saıası quqyqtarynan birjolata ajyrady. Al onyń jeke aktıvteri tárkilendi.
Áıel azamat ınvestorlardy túrli jobalarǵa qatysyp, mol paıdaǵa kenelýge kóndire otyryp, alaıaqtyq áreketterin júzege asyrýdy 2006 jyly bastaǵan. Ómirde joq jobalarǵa tartylǵan somadan ol ózine 552 mln ıýandi (búgingi baǵammen 79,5 mln dollar) alyp qalǵan. Ol atalǵan qarjynyń basym bóligin jyljymaıtyn múlik, kólik, lotereıa bıletteri men áshekeılik buıymdar sııaqty dúnıelerge shyǵyndaǵan.
