Qytaıda 7,6 mlrd. dollarlyq qarjy pıramıdasyna qatysty isti qaraý bastaldy
ASTANA. QazAqparat - Beıjiń prokýratýrasy 7,6 mıllıard AQSh dollary somasynda azamattardyń aqshasyn tartyp, alaıaqtyq shema uıymdastyrý týraly isti qaraýdy bastady, dep habarlady búgin, sársenbide ria.ru Qytaı Halyqaralyq radıo agenttigine silteme jasap.
Aqpannyń basynda QHR polıtsııasy Ezubao onlaın-platformasymen uıymdastyrylǵan shemany ashty. 2014 jylǵy shildede iske qosylǵan platformany quraýshylar onyń qyzmetine qarjy pıramıdasynyń qaǵıdasyn paıdalanǵan. Alaıaqtardan 900 myńǵa jýyq klıent zardap shekken. 20-dan astam kúdikti tutqyndaldy.
Tergeý barysynda polıtsııa Ezubao býhesebi kitabynda kórsetilgen 207 kompanııany tekserdi, alaıda olardyń bireýi ǵana onlaın-platformamen baılanysta bolǵan.
Óz qyzmetin jasyrý úshin Ezubao menedjerleri býhgalterlik 1,2 myń kitapty Anhoı provıntsııasynda alty metrlik tereńdikke kómip tastaǵan. Ony qazyp alý úshin eki ekskavatordyń 20 saǵat ýaqyty ketken.
