Qytaıda 67 gektar aýmaqty qamtıtyn Apple derekter ortalyǵy ashylady
ASTANA. QazAqparat - Apple kompanııasynyń Qytaıdaǵy derekter ortalyǵynyń qurylysy bıyl bastalady. Jospar boıynsha ortalyq 2020 jyly ashylýy tıis, dep habarlaıdy Sınhýa agenttigi.
Derekter ortalyǵy Qytaıdyń ońtústik-batysyndaǵy Gýıchjoý provıntsııasynan oryn tebedi. Jobaǵa 1 mlrd AQSh dollary mólsherinde ınvestıtsııa quıylady. Jańa Gýıan aýdanynda boı kóteretin, 67 gektarlyq ortalyq Qytaı aýmaǵynda iCloud qyzmetterin jetkizýmen aınalysady.
28 aqpannan bastap Qytaıdaǵy iCloud qyzmetterin jergilikti Guizhou-Cloud kompanııasy atqarady.
