Qytaıda 5 myń jyl buryn turǵyzylǵan úıden 97 adamnyń súıegi tabyldy
ASTANA. QazAqparat - Qytaıdyń soltústik shyǵysynda kóne qonysty qazý kezinde arheologtar shamamen 100 adamnyń qańqasy jatqan úıdi tapty.
5 myń jyl buryn turǵyzylǵan aýmaǵy 20 metr bolatyn shaǵyn úıden 19 ben 35 jas aralyǵyndaǵy 97 adamnyń súıekteri shyqty. Ǵalymdar úıden balalardyń da qańqasyn tapty, dep jazdy informing.ru.
Bul adamdardy úıge qaza tapqannan keıin nemese ólim aldynda ornalastyryp, órtegen degen boljam bar. Buǵan úıdiń kúıgen bólikteri aıǵaq. Ǵalymdardy myńdaǵan jyl buryn munda ne bolǵany tolǵandyryp otyr. Aýyl turǵyndary belgisiz indet saldarynan jappaı kóz jumǵan degen pikir bar. Sondyqtan olardy jerlemeı, órtegen. Buǵan deıin osy qonystyń mańyndaǵy Mıaozıgoý jerinde de bir top adamnyń qabiri tabylǵan bolatyn. Bul joǵaryda atalǵan tujyrymdy rastaıdy.
