Qytaıda 5 mln. dollarǵa kózge kórinbeıtin kópir salynady
ASTANA. QazAqparat - Qytaıdyń ońtústik-shyǵysyndaǵy Hýnan provıntsııasynda ornalasqan Chjantszıatsze Ulttyq parkinde kózge múldem derlik kórinbeıtin kópir salý josparlanýda. Bul týraly The Daily Mail agenttigine silteme jasap RBK habarlady.
Onyń konstrýktsııasy tot baspaıtyn aınaly temirden jáne shynydan turǵyzylady. Sáýletshilerdiń ıdeıasyna sáıkes, kópir eki deńgeıden turatyn bolady: onyń ústińgisinde aıaq astyndaǵy tósenishter kózge kórinetin bolsa, astyńǵy deńgeıde olar múldem kórinbeıdi. Kópirdiń qurylysyna 5 mln.dollarǵa jýyq qarjy jumsalmaq.
Týrıster sondaı-aq taýlarda ornalasqan úsh pavılonnyń birinde túnep shyǵa alady. Olardan aınalany 360 gradýsta tamashalaý múmkindigi bar. Kópirdiń janyna dámhana da salý kózdelgen.
