Qytaıda 5,7 magnıtýdaly jer silkinisi boldy

ASTANA. QazAqparat - Qytaıdyń soltústik-shyǵysynda 5,7 magnıtýdaly jer silkinisi boldy, dep habarlaıdy «QazAqparat» HAA Sınhýa agenttigine silteme jasap.

Bul týraly Qytaı seısmologııalyq jeliler ortalyǵy málimdegen.

Jerasty dúmpýleriniń epıtsentri 45,27 gradýs soltústik endik pen 124,71 gradýs shyǵys boılyqqa týra kelgen, al oshaǵy 13 km tereńde ornalasqan.

Tabıǵı apat saldarynan Tszılın provıntsııasyndaǵy Sýnıýan qalasynyń Nıntszıan aýdanynda birneshe ǵımarat qıraǵan.

Adam shyǵyny týraly ázirge málimet joq.