Qytaıda $460 myńnan astam para úshin ólim jazasyna kesetin boldy
ASTANA. QazAqparat - Dúısenbi kúni Qytaıdyń Joǵarǵy halyqtyq soty men Joǵarǵy halyqtyq prokýratýrasy jemqorlyq isterinde ólim jazasyn qoldaný erejelerin anyqtady. Sóıtip bul jaza 460 myń dollardan astam aqshany zańsyz jolmen nemese osyndaı kólemde para alǵandarǵa taǵaıyndalatyn boldy, dep habarlady RIA Novostı Sınhýa agenttigine silteme jasap.
Dúısenbi k8n3 jarııalanǵan qujatqa sáıkes, 3 mıllıon ıýan (460 myń dollar) kólemindegi aqshany zańsyz qaltasyna basqan nemese para alǵan qylmyskerlerdiń kinási moıyndalsa, olar ólim jazasyna kesiledi.
QHR-da jemqorlyqpen kúresýdiń aýqymdy naýqany 2012 jyly el tizginin Sı Tszınpın qolyna alǵannan keıin bastaldy. Sol kezden bastap partııalyq tártipti buzǵany jáne jemqorlyq áreketi úshin myńdaǵan sheneýnik jazalandy.
Resmı statıstıkaǵa súıensek, aǵymdaǵy jyldyń qańtarynda ǵana 5 myń 459 sheneýnik jazalandy. Komıssııa málimetine qaraǵanda, 2015 jyly partııalyq tártipti buzǵany úshin túrli deńgeıdegi 50 myńǵa jýyq sheneýnik jaýapkershilikke tartyldy.
