Qytaıda 44 adam pnevmonııanyń beımálim túrine shaldyqty
BEIJІŃ. QazAqparat – Qytaıdyń Hýbeı provıntsııasyndaǵy Ýhan qalasynda 44 adam pnevmonııanyń belgisiz túrine shaldyqty, dep habarlaıdy QazAqparat qalalyq densaýlyq saqtaý jónindegi komıtetke silteme jasap.
«Búgingi sońǵy málimetke sáıkes vırýsty pnevmonııany 44 adam juqtyrdy. 11 adamnyń jaǵdaıy aýyr. Qalǵan patsıentterdiń hali turaqty dep baǵalanyp otyr» delingen komıtet habarlamasynda.
Qazirgi tańda barlyq naýqastar Ýhan qalasynyń medıtsınalyq mekemelerinde em alyp jatyr. Olarmen tyǵyz qarym-qatynasta bolǵan taǵy 121 adam baqylaýda.
Sonymen birge South China Morning Post málimetinshe, Gonkongta da eki adam vırýsty pnevmonııa juqtyrdy degen kúdikpen aýrýhanaǵa jatqyzylǵan. Megapolıste «tylsym» pnevmonııanyń taralýyna jol bermes úshin qosymsha sharalar qabyldandy.
