Qytaıda 4 myń adam órtpen arpalysyp jatyr

ASTANA. QazAqparat - 4 myńǵa jýyq polıtsııa qyzmetkeri men órt sóndirýshiler  Іshki Mońǵolııa avtonomdy ólkesi aýmaǵyndaǵy orman órtterimen arpalysyp jatyr. Bul týraly jeksenbi kúni Sınhýa jergilikti órt sóndirýshiler basqarmasyna silteme jasap habarlady.

Órt senbi kúni shamamen 10:00-de Úlken Hıngan aýdanyndaǵy ormanda bastalǵan. Artynsha sol kúni  17:00-de  tabıǵı "Hanma" qoryǵy terıtorııasyn da jalyn sharpyǵan.

Uzaqqa sozylǵan aptap ystyq pen qurǵaqshylyq  tilsiz jaýdy aýyzdyqtaýǵa kedergi bolýda.

Aýdandyq meterologııalyq qyzmettiń aqparatyna qaraǵanda, jergilikti bılik qajet bolǵan jaǵdaıda jasandy bult shaqyrýdy josparlap otyr.