Qytaıda 4,9 baldyq jer silkinisi boldy

BEIJІŃ. QazAqparat – Qytaıdyń batysyndaǵy Tsınhaı provıntsııasynyń taýly aýmaǵynda beısenbi kúni tańerteń 4,9 baldyq jer silkinisi boldy. Bul týraly Qytaıdyń seısmologııalyq ortalyǵy málim etti, dep habarlaıdy QazAqparat tilshisi.

Onyń habarlaýynsha, jerasty dúmpýi jergilikti ýaqyt boıynsha tańǵy 05:30-da bolǵan.

Jer silkinisiniń oshaǵy Golmýd qalasynan (QHR, Tsınhaı provıntsııasy) 62 shaqyrym jerde 10 kılometr tereńdikte tirkelgen.

Bul taýly jer sanalady, teńiz deńgeıinen 2,7 myń metr bıiktikte jatyr.

Golmýd qalasy Tsınhaı-Tıbet taýlarynyń ishki aýdandarynda ornalasqan. Qalada 200 myńnan asa turǵyn bar.

Ázirge zarlap shekkender týraly habar túspedi.