Qytaıda 36 myńnan astam adam koronavırýstan aıyqty

BEIJІŃ. QazAqparat – Juma kúni QHR Densaýlyq saqtaý isi jónindegi memlekettik komıtetke 327 adamnyń jańa tıpti koronavırýs juqtyrǵany, sondaı-aq osy indetten 44 adamnyń qaıtys bolǵany týraly habar túsken. Bul týraly QazAqparat atalmysh komıtetke silteme jasap habarlaıdy.

Onyń ishinde 41 adam - Hýbeı (Ortalyq Qytaı) provıntsııasynda, ekeýi – Beıjińde, taǵy biri - Shyńjań-Uıǵyr avtonomııalyq aýdanynda (ShUAA) tirkelgen, dep habarlady komıtetten.

Budan bólek, beısenbi kúni 452 adamnyń koronavırýs juqtyrýy múmkin ekeni týraly málimet túsken. Belgili bolǵandaı, bir táýlikte 3622 adam aýrýhanadan saýyǵyp shyqqan.

Beısenbidegi aqparatqa sáıkes, barlyǵy 31 ákimshilik bóliniste jáne Shyńjań óndiristik-qurylys korpýsynda aýrý juqtyrǵandar sany 78824 adamdy qurap otyr. Bul indetten 2788 adam kóz jumǵan. 7952 naýqastyń jaǵdaıy aýyr, 2308 adam aýrý juqtyrdy degen kúdikke ilingen, dedi komıtetten.

Beısenbidegi málimet boıynsha, jalpy 36 117 adam aýrýhanadan emdelip shyqqan. Naýqastarmen baılanysta bolǵan 656 054 adam anyqtaldy. 65225 adam medıtsınalyq baqylaýǵa alyndy.

Sondaı-aq, Sıangan, Aomen arnaıy ákimshilik aýdandary men Taıvanda 93, 10 jáne 32 adamnyń koronavırýs saldarynan pnevmonııaǵa shaldyqqany anyqtaldy.