Qytaıda 300 bala hımııalyq zaýyt shyǵaryndylarynan ýlanyp qaldy
ASTANA. QazAqparat - Qytaıdyń Hýnan ortalyq provıntsııasynda 300 bala jappaı ýlanyp qaldy. Jergilikti bıliktiń aldyn ala boljamy boıynsha, buǵan jaqyn mańda ornalasqan hımııalyq zaýyt shyǵaryndylary sebep bolýy múmkin.Bul týraly Sınhýa agenttigi habarlady.
Senbi kúni ózderin jaısyz sezinip dárigerge shaǵymdanǵan Dapý qalasynyń balalarynyń qanynan qorǵasyn anyqtaldy. Dárigerlerdiń baǵalaýynsha, ondaǵy aýyr metaldardyń quramy ádettegiden úsh ese artyq.
Provıntsııalyq bıliktiń málimdeýinshe, zııandy zattar jaqyn mańda ornalasqan «Meılýn hımııalyq materıaldar» kásipornynan shyǵýy múmkin. Zaýyt tazartylmaǵan sýdy syrtqa tógip nemese ónimderdi aýada órtegen bolý kerek. Qazirgi ýaqytta onda qyzmettik tekserý júrgizilip jatyr. Zaýyt ýaqytsha jabyldy.
Aǵzadaǵy qorǵasynnyń artylýy júıke júıesin zaqymdap, qan qysymyn joǵarylatýy múmkin. Eń aýyr jaǵdaıda komaǵa nemese ólimge ákep soqtyrýy yqtımal.
