Qytaıda 3 saǵatta 3D-prınterinde eki qabatty úı basyp shyǵardy (FOTO)
ASTANA. QazAqparat - Qytaıda 3 saǵatta 3D-prınterinde eki qabatty úı basyp shyǵardy, dep jazady sheteldik BAQ.
3D-prınteri mundaı úıdiń 1 sharshy metriniń qunyn tómendetedi - jıhaz, santehnıka t.b. barlyǵy - $560 ishine kiredi.
Eki qabatty úı 3 saǵatta salyndy. QHR-da 3D-úı qurylysymen aınalysqan ZhuoDa group fırmasy sol kúni keshke taǵy bir úı turǵyzdy.
«3D-prıntermen basyp shyǵarylǵan úı jeke úlgiden salynǵan, ony fabrıkada tutastaı daıyndaıdy. Іshi árlengen, sym ótkizilgen, sý qubyry, santehnıkasy, jıhazy bári ornatylǵan. Qurylys alańyna úı 90 paıyzǵa daıyn bolyp keledi, dep habarlady Imena.ua.
Fragmentter qupııa ustalatyn arnaıy qurammen basyp shyǵarylady, úı joǵary jylý oqshaýlaǵyshymen erekshelenedi. Jazda salqyn, qysta jyly.
Buǵan ónerkásiptik jáne aýyl sharýashylyǵy qaldyqtarynan jasalǵan materıaldar kiretini qupııa emes. Sondyqtan daıyn úlgide zııandy zattar joq. Basyp shyǵarylǵan úı 9 magnıtýdaly jer silkinisine shydas beretini habarlanady, ot pen sýǵa tózimdi.
Daıyn úlgilerdi basyp shyǵarǵannan keıin brıgada úıdi jınaı salady. Sondyqtan prınterde basyp shyǵarylǵan úı basqa tásilmen salynǵan úılerden arzanǵa túsedi.
Qazir ZhuoDa group fırmasynyń jańa materıalǵa 22 patenti bar, 40 memlekettik jobalarmen kelisimshartqa qol qoıǵan, 2016 jyly Zhuoda Group salǵan úılerdiń alańy 2 mlrd. sharshy metrge jetýi múmkin, al jıyntyq quny $1,2 trln. bolmaq.
