Qytaıda 3 mln gektar aýylsharýashylyq jeri qýańshylyqtan zardap shekti

BEIJІŃ. QazAqparat – Qytaıda qýańshylyq kezinde úsh mıllıon gektar aýylsharýashylyq jer zardap shekti, dep habarlaıdy QazAqparat QHR Sý sharýashylyǵy mınıstrliginiń habarlamasyna silteme jasap.

Vedomstvonyń habarlaýynsha, 200 myńǵa jýyq adam men 760 myń bas iri qara mal qurǵaqshylyqqa baılanysty aýyz sýdan qol úzgen.

Qýańshylyq negizinen eldiń soltústik, soltústik-shyǵys aımaqtary – Hebeı, Lıaonın provıntsııalary jáne Іshki Mońǵolııa avtonomııalyq aımaǵyna áser etti.

Ótken aptada Qytaıdyń soltústiginde qalyptan tys aptap boldy jáne aýa raıy qaýpiniń qyzyl maksımaldy deńgeıi jarııalandy.

Qytaı meteorologtarynyń boljamynsha, Soltústik Qytaıda bir apta boıy joǵary temperatýra saqtalady.