Qytaıda 3,7 mıllıonnan astam adam sý tasqynynan zardap shekti

BEIJІŃ. QazAqparat - Qytaıdyń ońtústigindegi Gýansı-Chjýan avtonomııalyq aýdanynyń 3,7 mıllıonnan astam turǵyny nóser jańbyr saldarynan bolǵan sý tasqynynan zardap shekti, dep habarlaıdy QazAqparattyń Qytaıdaǵy menshikti tilshisi.

Nóser men sý tasqyny 3,4 myńnan astam turǵyn úıdi qıratyp, 159,3 myń gektar aýyl sharýashylyǵy alqaptaryna zııan keltirdi. Apat saldarynan kelgen tikeleı ekonomıkalyq shyǵyn 12,48 mıllıard ıýannan (1,86 mıllıard dollar) asty.

Jergilikti aýa raıyn boljaý qyzmetiniń habarlaýynsha, bıylǵy sý tasqyny kezeńinde Gýansı-Chjýan avtonomııalyq aýdanynda alty ese kóp jańbyr jaýǵan. Bul ótken jyldyń osy kezeńimen salystyrǵanda 1,6 ese kóp.

Sınoptıkterdiń boljaýynsha, Gýansı-Chjýan aýdanynda qatty jaýyn men taıfýndar bolady. Tolassyz jaýǵan jańbyr saldarynan bolǵan sý tasqyny Qytaıdyń ońtústigindegi basqa aımaqtarǵa da áser etti.

Provıntsııanyń negizgi sý joldarynyń biri Beıtszıan ózeniniń deńgeıiniń 100 jyldyq rekordqa jetti.

Foto: russian.news.cn