Qytaıda 2000 jyldyq jumyrtqa tabyldy
ASTANA. QazAqparat - Arheologtar Qytaıdyń ońtústik batysyndaǵy Gýıchjoý provıntsııasynan sársenbi kúni 2000 jyldyq jumyrtqa tapqanyn jarııalady, dep habarlady Sınhýa.
Provıntsııadaǵy mádenı jádigerler men arheologııa ınstıtýtynyń zertteýshileri Hýantszınvan úıindilerinen Han áýleti zamanynan /b.z.d 202 j. - b.z. 220 j./ saqtalǵan jumyrtqa tapty.
"Jumyrtqany qabyǵyndaǵy batpaqtan tazartýǵa tyrystyq. Alaıda shótkeniń qyldary tıgen mezette ol jaryldy",- dedi 2009 jyly anyqtalǵan úıindi qazbalaryna basshylyq etetin Chjan Gaıke.
Onyń aıtýynsha, bul Han jáne odan burynǵy Shan men Chjoý kezeńderinde jerleýdiń túr-túri bolǵanyn aıǵaqtaıdy.
"Shan jáne Chjoý áýletteri basqarǵan kezde adamdar qola buıymdarmen jerlengen. Alaıda Han kezeńinde qaıtys bolǵandardy kúndelikti paıdalanǵan zattarmen qosa jerlegen", - dedi Chjan Gaıke.
