Qytaıda 200 jazasyn óteýshi koronavırýs juqtyrǵan

BEIJІŃ. QazAqparat – Qytaıdyń shyǵysynda Shandýn provıntsııasynyń túzeý mekemesinde 200 jazasyn óteýshi koronavırýs juqtyrǵan, dep habarlaıdy QazAqparat tilshisi. Bul týraly juma kúni eldiń Gıgıena jáne densaýlyq saqtar isteri jónindegi komıtet basshysy Sı ıAn brıfıng barysynda málimdedi.

Shandýn provıntsııasynyń túzeý mekemesinde vırýstyń órshýi saldarynan koronavırýstyń jańa túrin juqtyrǵan 207 rastalǵan jaǵdaı anyqtaldy. 207 aýrý juqtyrǵan adamnyń jeteýi – túrme qyzmetkerleri.

Jalpy alǵanda ótken táýlikte (20 aqpan saǵat 24:00-degi jaǵdaı boıynsha) materıktik Qytaıda koronavırýs juqtyrǵan 889 jańa jaǵdaı anyqtaldy, 118 adam kóz jumsa, 2109 adam saýyǵyp, aýrýhanadan shyǵaryldy.

Sońǵy málimetter boıynsha QHR-da koronavırýs juqtyrýdyń rastalǵan jaǵdaılarynyń jalpy sany - 75 465, 2236-sy — qaza tapsa, saýyǵyp, aýrýhanadan shyǵarylǵandary – 18 264 adam. Qazirgi ýaqytta 120 myńnan astam adam naýqastarmen tyǵyz baılanysta bolǵan, olar medıtsınalyq baqylaýda.

Gonkongte aýrý juqtyrýdyń 68 rastalǵan jaǵdaıy tirkeldi, Makaoda (Aomen) – 10, Taıvanda – 24.

Sońǵy derekter boıynsha, QHR Shyńjań-Uıǵyr avtonomııalyq ólkesinde (ShUAÓ) úshinshi kún qatarynan koronavırýs aýrýyn juqtyrýdyń jańa jaǵdaılary anyqtalǵan joq. Jalpy, Іle-qazaq avtonomııalyq ólkesinde (ІQAÓ) koronavırýs aýrýynyń 76 jaǵdaıy tirkelgen, onyń ishinde ShUAÓ-niń Іle-Qazaq avtonomııalyq ólkesinde - 18, Úrimshi qalasynda – 23. Qazirgi ýaqytta Shyńjańda 6 myńnan astam adam medıtsınalyq baqylaýda.

Avtor:

Rýslan Sýleımenov