Qytaıda 20-dan astam jumysshy qulaǵan tonnel úıindisi astynda qalǵan
ASTANA. QazAqparat - Qytaıdyń shyǵysyndaǵy Fýtszıan provıntsııasynda jańa júrdek kólik jolyndaǵy tonnel opyrylyp qulap, 20 jumysshy úıindi astynda qaldy, dep habarlady TASS.
Qytaıdyń ortalyq teledıdarynan habarlanǵandaı, oqıǵa Lýnıan qalasyna jaqyn jerde oryn aldy. Shamamen 30 metr qabyrǵa qulaǵan, qutqarýshylardyń baǵalaýynsha, tonnelge kireberis joldy jaýyp tastaǵan úıindi kólemi 5 myń tekshe metrdi quraıdy. Jumysshylardy qutqarý jumystary júrgizilýde.
Aıta keteıik bul tas jol Fýtszıanıdegi Sıamen qalasy men Sychýan provıntsııasynyń ákimshilik ortalyǵy - Chendý qalasynyń arasyn jalǵastyrýy tıis.
