Qytaıda 2 keme soqtyǵysyp, 8 adam opat boldy, altaýy iz-túzsiz joǵalǵan

ShANHAI. Sınhýa- QazAqparat - Shanhaı bıligi ıAntszy saǵasynda tanker men qurǵaq júk tasıtyn keme soqtyǵysyp, segiz adam qaza taýyp, taǵy alty adam iz-túzsiz joǵalyp ketkenin málim etti. Bul týraly QazAqparat Sınhýa agenttigine silteme jasap habarlaıdy.

3000 tonna janarmaı tıegen tanker beısenbi kúni 03:39-da qum men qıyrshyq tas tasymaldap bara jatqan kememen soqtyǵysqan. Apat saldarynan tankerdiń palýbasy órtenip, qurǵaq júk tasıtyn keme sýǵa batyp ketken. Qutqarýshylar úsh adamdy aman alyp qaldy.

Tankerdegi órt baqylaýǵa alynyp, qutqarýshylar senbi kúni tańerteń segiz adamnyń máıitin tapty.

Joǵalyp ketkenderdi izdeý jumystary jalǵasyp jatyr. Іzdeý-qutqarý jumystaryna 15 keme men eki ushaq jumyldyrylǵan.