Qytaıda 2,5 mln dollardyń esirtkisi tárkilendi
ASTANA. QazAqparat - Qytaıdyń Sıangan arnaıy ákimshilik aýdanynda polıtsııa quny shamamen 20 mln sıangan dollary (shamamen 2,56 mln AQSh dollary) bolatyn esirtkini tárkilegenin málimdedi. Bul týraly Sınhýa agenttigi habarlady.
Esirtki saýdasyna qatysy bar degen kúdikpen úsh er adam ustaldy.
RTHK jergilikti radıostansasy polıtsııa qyzmetkerlerine silteme jasaı otyryp, esirtkiniń basym kópshiligi kokaın jáne «Erımın-5» ekenin jarııalady. Esirtki Sıanganyń Jańa aýmaǵynda Tsıýanvan qalasyndaǵy Kýııýn aýdanynda ornalasqan óndiristik ǵımaratta shaǵyn qoımadan tabylǵan. Aıta keterligi, «Erımın» nımetazepamnyń saýda belgisi bolyp tabylady.
Keıinnen polıtsııa Tsıýanvanda esirtki saýdasyna nashaqorlar men saýdagerlerdi tartty degen kúdikpen taǵy eki er adamdy ustady. Polıtsııa qyzmetkerleriniń pikirinshe, kúdiktiler esirtkini saqtaýǵa táýlik boıy jumys isteıtin shaǵyn qoımalardy paıdalanyp kelgen.
