Qytaıda 17 kólik soqtyǵysyp, 10 adam qaza tapty

HEFEI. Sınhýa-QazAqparat – Keshe, tańǵy 6:30-da Nankın-Loıan magıstralinde aıaq asty tumandy bulttyń paıda bolýynyń saldarynan birinen soń biri 4 jol apaty oryn aldy, dep habarlaıdy QazAqparat Sınhýa agenttigine silteme jasap.

Benbý qalasy Qytaı kommýnıstik partııasy nasıhat bóliminen málim etkendeı, jol apaty saldarynan 9 adam oqıǵa ornynda jan tásilim etken, al bir adam shuǵyl medıtsınalyq kómek kórsetý kezinde kóz jumǵan, taǵy 7 adam jaraqat aldy. 17 kólik ártúrli deńgeıde búlingen. 10:17-de apattyq bólikterde eki baǵyt boıynsha da qozǵalys ashyldy, 13:30-da tergeý operatsııalary aıaqtalyp, qozǵalys tolyqtaı qalpyna keltirildi.

Qazirgi tańda zardap shekkenderdiń barlyǵy qajetti em-dom alýda, apattyń saldaryn joıý jumystary jalǵasy jatyr.