Qytaıda 165 adamnyń ómirin qıǵan qoımadaǵy jarylysqa kinálilerge úkim shyǵaryldy
ASTANA. QazAqparat - Tıantszın soty 7-9 qarashada Tıantszın portyndaǵy qoımada 2015 jylǵy 12 tamyzda bolǵan, 165 adamnyń ómirin qıǵan jarylys isi boıynsha sotty ashyq túrde ótkizdi.
Sot jarylysqa jaýapty 49 adamǵa úkim shyǵardy, dep habarlaıdy Sınhýa.
Qaıǵyly oqıǵa Tıantszınniń jańa aýdany aýmaǵynda qaýipti zattar toly "Jýıhaı" kompanııasynyń qoımasynda boldy. Bul apattan 165 adam qaza tapty, al 8 adam iz-túzsiz joǵalǵandar esebinde. Jarylystan, odan týyndaǵan órtten taǵy 798 adam jaraqattanyp, aýrýhanaǵa tústi.
Sottalǵandar arasynda "Jýhaı" kompanııasy basqarmasynyń tóraǵasy ıÝı Sıýeveı bar. Sot ony eki jylǵa keıin shegerilýimen ólim jazasyna kesti jáne 700 myń ıýan aıyppul tóleıdi.
"Jýıhaı" kompanııasy basqarmasy tóraǵasynyń orynbasary Dýn Shesıýan, bas dırektor Chjı Fen jáne ózge úsh qyzmetker 15 jyl merzimnen bastap ómir boıy bas bostandyqtarynan aıyryldy. Taǵy 7 qyzmetker 3 -10 jyl aralyǵynda sottaldy.
Kompanııanyń budan basqa da jaýapty qyzmetkerleri ómirleriniń 1-7 jyldaryn temir tordyń ar jaǵynda ótkizetin boldy.
