Qytaıda 130 mln jyl burynǵy dınozavr jumyrtqasy tabyldy
ASTANA. QazAqparat - Qytaıda 130 mln jyl burynǵy dınozavrdyń tasqa aınalǵan jumyrtqalary tabyldy, dep habarlaıdy QazAqparat.
ChinaNews agenttiginiń habarlaýynsha, 25 jeltoqsanda Qytaıdyń Tszıansı provıntsııasy Daıýı aýdanyndaǵy qurylys alańynan jumyrtqaǵa uqsas tastar tabyldy. Mamandar bul tas kesegindegi 30-ǵa jýyq pishini birtektes sopaqsha tastar dınozavrdyń tasqa aınalǵan jumyrtqalary degen qortyndy shyǵardy.
Mádenı eskertkishterdi qorǵaý qyzmetkerleriniń alǵashqy saraptaý qorytyndysy boıynsha, bul Ovıraptor dınozavrynyń bir uıadaǵy jumyrtqasy. Osy kúnge deıin óte jaqsy saqtalǵan. Sondaı-aq, mamandar jumyrtqany shamamen 130 mıllıon jyl burynǵy Mezozoı dáýiriniń Bor kezeńine tıeseli degen sheshimge kelip otyr.
