Qytaıda 12 aldanǵan salymshy birge sýıtsıd jasamaq boldy
ASTANA. QazAqparat - Soltústik Qytaıdaǵy Shoýchjoý qalasynda (Shansı provıntsııasy) turǵyndar ınvestıtsııalyq qorǵa salǵan aqshalaryn joǵaltqan. Keıinnen ol qordyń zańsyz tirkelgeni jáne alaıaqtardyń asyrǵan aılasy anyqtalyp, buǵan qatysty qylmystyq is qozǵalǵan.
Al tergeý nátıjesine kóńili tolmaǵan 12 salymshy alty qabatty ákimshilik ǵımarattyń tóbesine shyǵyp, odan sekirmek bolǵan. Bul týraly «Chjýngo sınven» agenttigi habarlady.
Sodan keıin, jergilikti bılik pen polıtsııa ókilderi bes saǵat boıy kelissózder júrgizip, aldanyp qalǵan salymshylardy aqylǵa shaqyryp, bul nıetterinen keri qaıtýǵa kóndirgen. Barlyq salymshylar «Helı» dep atalatyn ınvestıtsııalyq qorǵa óz aqshalaryn salǵan.
Qordyń ıesi olarǵa depozıtter boıynsha joǵary paıyzdyq stavkalar tóleýge ýáde etken, biraq onyń ornyna aqshany jymqyryp, qashyp ketken. Ótken jyldyń qarasha aıynda zańsyz qarjylyq qyzmetin kórsetpek bolǵan alaıaqtardyń úsheýi qamaýǵa alynyp, tórtinshi kúdikti qashyp ketken bolatyn. Qordyń qashqyn ıesi men salymshylardyń aqshasyn izdeý jumysary áli nátıje ákelmedi.
Tergeý ókilderi aldanǵan salymshylarǵa qashyp ketken alaıaq pen urlanǵan qarajatty izdestirýge belsendi túrde kirisetinin aıtyp, ýáde berdi, dep jazady khabar.kz.
