Qytaıda 11 jumysker opyrylyp qulaǵan ǵımarattyń astynda qalyp qoıdy
ASTANA. QazAqparat - Qytaıdyń ortalyq bóligindegi Chenchjoý qalasyndaǵy kólik jóndeý sheberhanasynyń salynyp jatqan ǵımaratynyń opyrylyp qulaýy saldarynan on bir jumysker úıindiniń astynda qalyp qoıdy.
Ǵımarattyń shatyry men qurylys aǵashtary qulady, dep habarlaıdy Sınhýa agenttigine silteme jasaǵan TASS. Jaraqattanǵan bes adam úıindiniń astynan shyǵarylyp, aýrýhanaǵa jiberildi. Qurylys ornyndaǵy qutqarý jumystary jalǵastyrylýda.
Bul Qytaıda sońǵy kúnderi oryn alǵan úshinshi kúrdeli apat. Buǵan deıin Shanhaıda jańa jyl kezinde adamdar arasynda janshylyp qalǵan 36 adam kóz jumyp, 50-ge jýyǵy zardap shekken bolatyn. Qaıǵyly oqıǵa qaladaǵy týrıster kóp jınalatyn jer bolyp tabylatyn Vaıtanniń jaǵalaýynda oryn aldy. Al juma, 2 qańtar kúni eldiń soltústik-shyǵysyndaǵy Harbındegi órt kezinde úsh órt sóndirýshi qaza taýyp, taǵy 11-i jaraqat aldy.
