Qytaıda 10 sekýndta zarıadtalatyn álemdegi alǵashqy elektroavtobýs shyqty
BEIJІŃ. QazAqparat - Qytaıdyń shyǵysyndaǵy Chjetszıan provıntsııasynyń Nınbo qalasynda syıymdylyǵy joǵary akkýmýlıatory bar álemdegi alǵashqy elektroavtobýs shyǵaryldy. 10 sekýndtyq qýat oǵan 5 shaqyrymnan astam qashyqtyqty júrip ótýge jetedi.
Uzyndyǵy 18 m nemese 12 metr jańa elektroavtobýsty Qytaıdyń ońtústik «Nanche» lokomotıv-qurylys korporatsııasynyń enshiles kásiporny - elektrovoz shyǵaratyn Chjýchjoý kompanııasy jasady.
Bul kólik quralyna elektr berý jelisi qajet emes, ol júrý úshin ár aıaldamada jyldam qaýat alatyn qurylǵy ornatsa jetkilikti. Akkýmýlıator jolaýshylar shyǵyp-kirgenshe qýat alyp úlgeredi. Ony paıdalaýdyń jobalyq merzimi - 12 jyl.
