Qytaıda 10 kún ishinde koronavırýsqa qarsy emhana salyndy

ÝHANЬ. QazAqparat – 10 kúnde Qytaıdyń koronavırýs oshaǵyna aınalǵan Ýhan qalasynda atalmysh ınfektsııaǵa qarsy kúresýge baǵyttalǵan ýaqytsha emhana salyndy, dep habarlaıdy QazAqparat Sınhýa agenttigine silteme jasap.

Hýoshenshan (Huoshenshan) aýrýhanasy jeksenbi kúni paıdalanýǵa berildi.

Dúısenbiden bastap eldiń Qarýly kúshteriniń 1 400 medıtsına qyzmetkeri Hýoshenshan aýrýhanasynda naýqastardy emdeıdi. Buǵan deıin Qytaıdyń Halyqtyq-azattyq áskeriniń Materıaldyq-tehnıkalyq qoldaý birikken kúshteriniń (People's Liberation Army (PLA) Joint Logistic Support Force) qaramaǵyndaǵy 950 aýrýhana qyzmetshisi jáne Áskerı medıtsınalyq ýnıversıtet, flot jáne áskerı áýe kúshteriniń qyzmetshileri Ýhan qalasyna jiberilgen bolatyn.

Ýhan qalasynda ýaqytsha aýrýhanalardy salý jobasy atıpti pnevmonııany emdeýde Beıjiń tájirıbesin júrgizý maqsatynda ashylǵan (2003 jyly).

23 qańtar kúni jumysshylar 1 000 adamǵa arnalǵan Hýoshenshan emhanasynyń qurylysyn bastady. 1 500 oryndyq ekinshi aýrýhananyń (Leishenshan) qurylysy 5 aqpan kúni aıaqtalady. Emhana 6 aqpannan bastap naýqastardy qabyldaıdy.