Qytaıda 1 naýryzdan bastap ınternet paıdalanýshylarǵa baqylaý kúsheıedi
ASTANA. QazAqparat - Qytaıda ınternet jelisin paıdalanýshylar men ǵalamtordaǵy aqparattarǵa baqylaýdy kúsheıtpek. Bul týraly sársenbi kúni jarııalanǵan QHR Internet-aqparat isteri jónindegi memlekettik keńsedegi (IAMK) qujatta jazylǵan.
Bul týraly TASS habarlady.
Jańa retteý qaǵıdasyna sáıkes, barlyq paıdalanýshylar ózderiniń shyn esimderin kórsete otyryp, shaǵyn blogtar, messendjerlerde jańa akkaýnttaryn tirkeýge mindetti.
Budan basqa, ınternette QHR zańnamasyn buzatyn, ulttyq qaýipsizdik pen egemendiktiń bedeline nuqsan keltirgen, memlekettik bılikke kúıe jaqqan aqparatty ornalastyrýǵa tyıym salyndy. Sondaı-aq, alyp-qashpa áńgimeler, pornografııa, ekstremızm, sektanttyq shaqyrýlar, qorlaý men ǵaıbat sózderdi taratýmen aınalysatyn paıdalanýshylardyń eseptik jazbalary májbúrli óshiriletin bolady.
Bul sharalar 2015 jylǵy 1 naýryzdan bastap kúshine enedi.
Qazirgi ýaqytta qytaılyq ınternet sektorynda belgili adamdar men uıymdardyń jasandy akkaýnttaryn jabý naýqandary bastalyp ketti. Dúısenbi 2 aqpanda IAMK Beıjińde jergilikti iri portaldar ("Sına" /Sina/, "Sohý" /Sohu/, "Baıdý" /Baidu/, "Hesıýn" /Hexun/) ókilderiniń qatysýymen jıyn ótkizdi. Olarǵa zań buzýshylyqqa jol bermeý qajettigi eskertildi.
