Qytaıda 1 aptada ekinshi ret taıfýn soqty
ASTANA. QazAqparat - Jeksenbi kúni tańerteń Qytaıdyń ońtústik aımaǵyna «Pakhar» taıfýny tóndi. Qýatty daýyl Qytaıda bir aptada ekinshi ret qaıtalanyp otyr, dep habarlaıdy Qytaıdyń ortalyq telearnasy.
Taıfýn Gýandýn provıntsııasyndaǵy Taıshan qalasynyń jaǵalaýyna jergilikti ýaqytpen shamamen tańǵy toǵyzdarda jetti. Zilzala oshaǵyndaǵy jeldiń jyldamdyǵy sekýndyna 33 metrge deıin, ıaǵnı 12 ball boldy.
Buǵan deıin Gonkong jáne Makaodaǵy arnaıy ákimshilik aýdandarynyń bıligi «Pakhar» taıfýnynyń jaqyndap kele jatqandyǵyna baılanysty daýyldy qaýiptiliktiń segizinshi deńgeıin habarlaǵan bolatyn.
Taıfýnnan zardap shekkender men qaza bolǵandar týraly aqprat joq.
