Qytaı joǵary sapaly damýǵa kóńil bóledi - Sı Tszınpın
«Materıaldyq jáne tehnologııalyq jaǵynan berik irgetas bolmasa, barlyq jaǵynan myqty Sotsıalıstik zamanaýı memleket qurý múmkin emes», - dedi Sı Tszınpın esep berý baıandamasynda.
Onyń aıtýynsha, joǵary sapaly damý Qytaıdyń basty basymdyǵy bolyp qala beredi, al reformalar sotsıalıstik naryqtyq ekonomıka men joǵary deńgeıdegi ashyqtyq baǵytynda júrgiziletin bolady.
Sı Tszınpın Qytaıdyń sońǵy jyldary ǵaryshtyq jáne atomdyq jobalardy, aýyr kompıýterlerdi qurýdy jáne farmatsevtıkada qoldanylatyn bıologııalyq tehnologııalardy qosa alǵanda, birqatar negizgi tehnologııalarda serpilis jasaǵanyn aıtty.
Ol sonymen qatar bilim, tehnologııa jáne talant Qytaı damýynyń negizi ekenin basa aıtty.
QKP Ortalyq komıtetiniń Bas hatshysy Qytaıdyń «Bir beldeý, bir jol» bastamasyn qabyldaǵanyn, onyń halyqaralyq yntymaqtastyq alańyna aınalǵanyn atap ótti. Qytaı 140-tan astam el men aımaqtyń negizgi saýda seriktesine aınaldy, jalpy taýar saýdasy boıynsha álemde birinshi orynǵa shyqty, sonymen qatar sheteldik ınvestıtsııa men syrttan ınvestıtsııa tartýda kósh bastap keledi.
16 qazanda Beıjińde Qytaı kommýnıstik partııasynyń HH sezi ashyldy.
Foto: Xinhua
