Qytaı joǵary deńgeıli vırýstyq zerthana ashady
ASTANA. QazAqparat - 23 aqpan kúni Qytaı ǵylym akademııasy QǴA janyndaǵy bıoqaýipsizdik boıynsha Ýhan memlekettik zerthanasynyń (Ýhan P4 zerthanasy) Qytaıdyń akredıtatsııa jónindegi memlekettik komıtetinen (China National Accreditation Service for Conformity Assessment) ruqsat alǵanyn jáne zerthanany resmı túrde qoldanysqa engizetinin málimdedi. Ol Ortalyq Azııadaǵy birinshi R4 zerthana bolmaq jáne Qytaı «Ebola» vırýsy sekildi kúshti qozdyrǵyshtardy zertteý jáne qoldanýǵa arnalǵan apparattyq shartqa resmı túrde ıe bolady. Bul týraly QazAqparat «Jenmın Jıbao» basylymyna silteme jasap habarlaıdy.
Qytaı qoǵamdyq densaýlyqty saqtaýdyń jahandyq qaýipsizdigimen qamtamasyz etý jaýapkershiligin óz moınyna aldy. Ýhan P4 zerthanasynyń dırektory ıÝan Chjıpen atalǵan zerthananyń bıoqaýipsizdik boıynsha tolyq jáne zamanaýı júıemen qamtýyn jáne juqpaly aýrýlardy baqylaıtyn, aldyn alatyn, kúshti qozdyrǵyshtardy saqtaıtyn qytaılyq ortalyq jáne juqpaly aýrýlar boıynsha BUU anyqtamalyq zerthanasy etýdi usyndy.
Búginge deıin turǵyzylǵan ǵımarattarmen salystyrǵanda, P4 zerthanasynyń bıoqaýipsizdikti qorǵaý deńgeıi óte joǵary. Ol juqpaly qozdyrǵyshtardyń ortaǵa taraýyn toqtatady jáne zertteýshilerdi qaýipsizdikpen qamtamasyz etedi. Qytaı ǵylym akademııasynyń vıtse-prezıdenti Chjan ıApınniń aıtýynsha, jańa jáne juqpaly aýrýlardy qadaǵalaý jáne aldyn alý qabileti boıynsha, zertteýdiń ǵylymı-zertteýshilik múmkindikterin damytý jáne antıvırýstyq quraldar men ekpeler jasaý boıynsha Ýhan P4 zerthanasynyń Qytaı úshin negizdik jáne tehnıkalyq máni orasan.
Sońǵy 30 jylda álemde jańa juqpaly aýrýlar paıda boldy. Qytaıdan ózge Frantsııa, Kanada, Germanııa, Avstralııa, AQSh, Ulybrıtanııa, Shvetsııa, Ońtústik Afrıka jáne ózge memleketterde R4 zerthanalar bar.
