Qytaı joǵary dáldiktegi «Gaofen-4» Jer sharyn barlaý jasandy serigin ushyrdy
ASTANA. QazAqparat - Qytaı búgin Jer betin barlaý jónindegi ulttyq joba aıasynda qyshyqtyqtan basqarylatyn joǵary dáldiktegi «Gaofen-4» jasandy serigin ushyrdy. Bul týraly aqparatty Qytaıdyń Sınhýa aqparat agenttigi habarlady.
«Gaofen-4» búgin saǵat 00.04-de Qytaıdyń ońtústik-batysyndaǵy Sıchan ǵarysh aılaǵynan «Chanchjen-3B» zymyran tasyǵyshynyń kómegimen jiberildi. Qytaıdyń Qorǵanys mınıstrligi janyndaǵy qorǵanys ǵylymy, tehnıkasy jáne ónerkásibi jónindegi memlekettik basqarmasy taratqan habarlamada «bul «Chanchjen» serııasy boıynsha shyǵarylǵan zymyran tasyǵyshtardyń 222-márte ushýy» dep jazylǵan. - «Gaofen-4» - geosınhrondy orbıtada aınalyp, joǵary dáldikpen optıkalyq baqylaý jasaıtyn Qytaıdyń alǵashqy jáne geosınhrondy orbıtada joǵary dáldikpen barlaý jasaıtyn álemniń eń damytylǵan jasandy serigi, - dedi Qytaıdyń qorǵanys ǵylymy, tehnıkasy jáne ónerkásibi jónindegi memlekettik basqarmasy ári Memlekettik ǵarysh basqarmasynyń basshysy Sıýı Dachje. «Gaofen-4» jasandy seriginiń sátti túrde ushyrylýy - Qytaıdyń bıylǵy jyly júzege asyrǵan 19-ǵaryshtyq jobasy. Jasandy serik jibergen málimetter apatty oqıǵalardyń aldyn alyp, kómek kórsetýge, geologııalyq jáne orman apattaryn baqylaýǵa, sondaı-aq meteo boljamdaý jasaýǵa paıdalanylmaq.
