Qytaı Joǵarǵy Halyq Sotynyń delegatsııasy Sot tóreligi akademııasynda boldy
Kezdesýge Qytaı ulttyq sýdıalyq kolledjiniń vıtse-prezıdenti, QHR JHS-tyń azamattyq jáne kommertsııalyq quqyq salasyndaǵy sýdıasy Lı Sıaomın, Aqparattyq basqarý ortalyǵynyń Paıdalaný jáne tehnıkalyq qyzmet kórsetý, Infraqurylym jáne josparlaý basqarmalarynyń basshylary Shang Chjenglın, Fý Djıanjong jáne Hýang Gýodong, JHS túıtkildi máselelerdi zertteý departamentiniń dotsenti, sondaı-aq QHR Gýangdon provıntsııasy JHS-nyń bankrottyq boıynsha sotynyń bas sýdıasy Dıng Haıhý qatysty.
M.Beıbitov meımandardy Akademııanyń mártebesimen, onyń quramyndaǵy ınstıtýttardyń qyzmetimen tanystyrdy. Ol sot tóreligi men sot júıesi damýynyń máselelerin zertteý aıasynda Akademııa birqatar halyqaralyq uıymdarmen jáne bilim berý mekemelerimen tyǵyz qarym-qatynas ornatqanyn atap ótti. Máselen, aǵymdaǵy jyly Akademııa Belarýs Memlekettik Ýnıversıtetimen, Túrkııa Ádilet Akademııasymen, Sıngapýr Sot Kolledjimen, Fınlıandııanyń Skandınav Akademııalyq utqyrlyq ınstıtýtymen jáne Koreıa Respýblıkasynyń Sot zertteýleri jáne oqytý ınstıtýtymen yntymaqtastyq týraly memorandýmǵa qol qoıdy. Yntymaqtastyq sheńberinde, Akademııa qyzmetkerleri men magıstranttary sheteldik oqý oryndarynda halyqaralyq taǵylymdamadan jáne professor-oqytýshylar quramynyń biliktiligin arttyrý kýrstarynan ótýde.
Kezdesý barysynda Ulttyq sýdıalar kolledjiniń vıtse-prezıdenti Lı Sıaomın qyzmetkerler men magıstranttardyń biliktiligin arttyrý salasynda tájirıbe almasý úshin qazaqstandyq akademııamen yntymaqtasýǵa daıyn ekenin bildirdi. Sıaomın myrza qazaqstandyq akademııa sııaqty Ulttyq Sýdıalyq kolledji kóptegen halyqaralyq uıymdarmen yntymaqtasatyndyǵyn jáne semınarlar ótkizý úshin sheteldik mamandardy shaqyryp otyratynyn aıtty.
Taraptar eki jaqty kelissózderdi odan ári jalǵastyrý jáne yntymaqtastyqty tereńdetý qajet degen sheshimge keldi.
