Qytaı Jerdi qashyqtyqtan zondtaıtyn jerserik ushyrdy
ASTANA. Naýryzdyń 6-sy. QazAqparat - Keshe, naýryzdyń 5-i kúni Qytaıdyń Tszıýtsıýan ǵarysh aılaǵynan Jerdi qashyqtyqtan zondtaıtyn «ıAogan-9» (Yaogan-9) jerserigimen Chanchjen- 4S(Chang Zheng-4C) zymyrantasymaldaǵyshy ushyryldy,
dep habarlaıdy Sınhýa agenttigi.
Qytaıdyń ǵarysh tehnologııalary birlestigi janyndaǵy Ǵarysh tehnologııalary ınstıtýty jasaǵan jerserik jerdi jáne tabıǵı resýrstardy zertteýge, ǵylymı tájirıbeler júrgizýge, aýyl sharýashylyǵy ónimderin baǵalaýǵa jáne tabıǵat apattarymen kúresýge arnalyp otyr.
2010 jyly Qytaı 15 zymyrantasymaldaǵysh ushyrýdy josparlaýda. Bul týraly Qytaıdyń Halyqtyq saıası konsýltatıvtik keńesi Búkilqytaılyq komıtetiniń 3-shi sessııasynyń delegaty, Qytaıdyń zymyran tehnıkasy zertteý ınstıtýty partkomynyń hatshysy Lıan Saohýn málim etti.
