Qytaı Jeńistiń 70 jyldyǵyna sherý uıymdastyratynyn rastady

ASTANA. QazAqparat - Qytaıdyń SІM-i Beıjińde Jeńiske 70 jyl tolýyna oraı áskerı sherý ótetinin resmı rastady, dep habarlady RIA Novostı.

«Bıylǵy jyly ózimizde qalyptasqan jáne halyqaralyq dástúrge sáıkes Beıjińde saltanatty shara, mıtıngter, áskerı sherý, qabyldaýlar men ádebı keshter uıymdastyramyz. Sharalarǵa QHR tóraǵasy Sı Tszınpın jáne eldiń basqa da basshylary qatysady», - delingen dúısenbi keshke vedomstvo saıtynda jarııalanǵan QHR SІM resmı ókili Hýa Chýnınniń málimdemesinde.

«Qytaı tarapy Ekinshi dúnıejúzilik soǵysqa qatysqan basty elderdiń ókilderin, sondaı-aq BUU ókilderin, basqa da halyqaralyq uıymdar ókilderine shaqyrtý jiberedi», - delingen habarlamada.

1960 jyly bılik áskerı sherý ár 10 jyl saıyn ǵana ótedi dep belgiledi. Mundaı sherý sońǵy ret 2009 jyly ótken. Bul 1949 jyldan bastap QHR-dyń qurylý kúnine arnap uıymdastyrylmaǵan alǵashqy sherý bolmaq.

Bıylǵy jyly Reseı men Qytaı birlesip Ekinshi dúnıejúzilik soǵys Jeńisine 70 jyl tolýyna arnalǵan sharalar ótkizedi. Sharaǵa eki memleket kóshbasshylary qatysady dep kútilýde. QHR tóraǵasy Sı Tszınpın Máskeýde 9 mamyrda ótetin sharaǵa qatysýǵa kelisimin berdi. Reseı Prezıdenti Vladımır Pýtın de Beıjińdegi sharalarǵa qatysady dep kútilýde.